Buerie båeteme Kulturanalysese!

– åejvieladtje kultuvrepolitihken vuarjasjimmide jïh analyside

Kulturanalys lea staaten åejvieladtje man barkoe effekth evtiedimmeste jïh tjïrrehtamme darjomistie  vuarjasjidh, analyseradidh, jïh tjïelkestidh kultuvresuerkesne. Dam edtja aalkoetsiehkeste dehtie kultuvrepolitihken ulmijste dorjesovvedh. Kulturanalysen barkoe aaj reerenassem viehkiehtidh rekommendasjovnine jïh våaroeminie guktie staaten kultuvrepolitihkem evtiedidh. Kulturanalysen aajkoe dan gaavhtan buerebe tsiehkieh skaepiedidh dejtie mah kultuvresuerkesne.

Kulturanalyse 12 barkijh åtna mah goerehtimmiejgujmie jïh analysigujmie, reeremigujmie jïh govlesadteminie berkieh. Jeenjemesh lea disputeradamme dotkijh mej våarome lea arkeologijesne, sïelteekonomijesne, staatemaahtojne jïh statistihkine. Sverker Härd lea åejvieladtjen åejvie.

Åejvieladtje kulturanalyside lea akteraerieåejvieladtje, dïhte sæjhta jiehtedh åejvieladtjen åejvie barkoen dïedtem åtna. Reerenasse vaaksjomeraeriem nommehti mij edtja barkoem vaaksjodh jïh raerieh åejvieladtjeåajvan vedtedh.

Mejnie barkebe

Kulturanalysen aajkoe reellen dåarjoem vedtedh kultuvrepolitihken evtiedæmman, reerenassen dåarjoem årrodh jïh dan mietie buerebe tsiehkieh darjodh kultuvresuerkien barkojde.

Åejvieladtjen bïhkedimmieh jïh regleremeprievieh mijjen barkoem sjæjsjalieh. Dennie stuvretjaatseginie tjåådtje dah åajvahkommes vuartoeh åejvieladtjese jïh sjïere stillemh. Mijjen analysesoejkesjisnie vååjnoe guktie mijjieh veeljimh stilleminie barkedh jïh guktie mijjen barkoem soejkesjidh.

Daesnie Kulturanalysen publikasjovnh gååvnesieh. Jeenjemes reektesh englaantengïeleldh iktedimmiem utnieh.

Dahkoesuerkieh

Statistihke jïh kultuvreviesjieh

Kulturanalysen dïedte jeenjemes byögkeles statistihkem kultuvren jïh eejehtimmien suerkine. Kulturanalys dan gaavhtan stillemem åtna  akte nasjovnellen vaaksjoestimmiestatistihkem kultuvresuerkesne evtiedidh. Vaaksjoestimmiestatistihke skaepede infrastruktuvrem guktie evtiedimmiem kultuvresuerkesne vaaksjoestidh, nuepiem vedtedh analysh jïh dotkemh darjodh dovne Kulturanalyseste jïh jeatjah aktöörijste jïh våaromem vedtedh digkiedæmman kultuvrepolitihken jïh kultuvrepolitihken dahkoej bïjre.

Gietskesisnieanalyse jïh dotkemevaaksjome

Kulturanalys sæjhta dåeriedidh, vuejnedh jïh analyseradidh trendh jïh evtiedimmieh nasjovnellen jïh jeatjah laantine jïh lïhke politihkesuerkine. Dïhte sæjhta jiehtedh Kulturanalys edtja dïjpedh jïh buerkiestidh deahpadimmieh jïh generellen tendensh mah kultuvrepolitihkem tsevtsedh, men voestes iereste lea gosse gietskesisnieanalyse guarkedh jïh buerkiestidh man vuekine daah kultuvrepolitihkem tsevtsieh.

Kulturanalys aaj dotkemelaavenjasse mij sæjhta jiehtedh dotkemem kultuvresuerkesne jïh vuarjasjimmiesuerkesne dovne nasjovnellen jïh internasjovnellen dåeriedidh. Aajkoe lea kultuvrepolitihken dotkemem gorredidh, dam bïejedh kultuvrepolitihken ektievuakan jïh aaj ïedtjeles minngemes dotkemem bievnedh  guktie maahtoem buektedh mij tsiehkieh tseegkedh evtiedamme kultuvrepolitihkese.

Reformh jïh barkoeh vuarjasjidh

Kulturanalys analysh jïh vuarjasjimmieh tjïrrehte man vuajnoe lea staate reformide jïh barkojde. Kulturanalys sæjhta funksjovnalitetem vuartasjidh gååvnesamme öörneginie jïh ektievuekieh internasjovnellen tsevtside goh EU jïh noerhtelaanti ektiebarkoe. Analysh maahta aaj buaktasåvva orre reformh jïh tsevtsemh hammoedidh juktie vuarteme effekth jïh maaksovh vuarjasjidh. Dah vuarjasjimmieh voejhkelieh gyhtjelassh vaestiedidh reformi tjïrrehtimmiej jïh effektij bïjre.

Tsiehkiegïehtjedimmie

Kulturanalys dorjestalla gamte iktedimmieh, tsiehkiegïehtjedimmieh, analysh jïh viertiestimmieh kultuvrepolitihken ulmide relasjovnine. Tsiehkiegïehtjedimmieh edtjieh meatan årrodh vueptiestidh jis stoerre joekehts dejstie kultuvrepolitihken ulmijste jallh båajhtoeh evtiedimmie jallh situasjovnem sjïere dåehkide siebriedahkesne. Tsiehkiegïehtjedimmien tjïrrh voejhkelibie suerkieh kultuvrepolitihkesne gusnie vihkeles politihken darjomh darjodh.