Följande information presenteras på nordsamiska.
BBures boahtin Kulturanalysii!
– eiseváldi kulturpolitihkalaš árvvoštakulturpolitihkalaš árvvoštallamiid ja analysaid eiseváldi
Kulturanalys (Kulturanalysdoaimmahat) lea stáhtalaš eiseváldi man bargu lea árvvoštallat, analyseret ja ovdanbuktit sihke evttohusaid bohtosiid ja čađahuvvon doaibmabijuid bohtosiid kulturpolitihkalaš suorggis Ruoŧas. Barggu álgovuođđu lea našuvnnalaš kulturpolitihkalaš ulbmilat. Kulturanalysa bargu lea maiddái doarjut ráđđehusa dieđuiguin ja rekommendašuvnnaiguin ovdánahttin dihte stáhtalaš kulturpolitihkka. Eiseválddi bargu lea danin ráhkadit buoret eavttuid sidjiide geat barget kultursuorggis.
Eiseválddi bargit barget statistihkain, guorahallamiin, analysain, administrašuvnnain ja kommunikašuvnnain. Min guorahallanbargiin lea gelbbolaš vásáhusat guorahallanbarggus ja máŋga bargit leat dutkit doavttergrádadásis sierra akademalaš suorggis. Eiseválddi hoavda lea Mats Granér.
Kulturanalys lea ovttaráđđeeiseváldi. Dat mearkkaša ahte eiseválddi hoavddas lea ovddasvástádus doaimmas. Stivrras dahje lávdegottis ii leat dat ovddasvástádus. Ráđđehus lea ásahan gozihanráđi. Dan bokte álbmogis lea vejolašvuohta gozihit doaimma ja maiddái addit rávvagiid eiseváldehovdii. Eiseváldehoavda lea gozihanráđi ságadoalli ja son galgá maiddái addit dieđuid Kulturanalys doaimmaid birra ráđđái.
Maid mii bargat
Min doaibma mearriduvvo eiseválddi bagadallamis ja reglerenreivves. Dain stivrendokumeanttain leat ráđđehusa vuordámušat Kulturanalys barggus ja maiddái erenoamáš bargogohččosat. Min analysaplánas mii čilget got mii leat válljen bargat bargogohččosiin ja got mii plánet doaibmamet.
Doaibmaguovllut
Statistihkka ja kulturvierut
Kulturanalys eiseválddis lea vástu njeallje statistihkkasurggiin dan almmolaš statistihkas kultursuorggis: kulturbiras, museat, servvodaga kulturgolut ja filbma. Kulturanalys čađahit maiddái statistihkka kulturvieruid ja lávdedáidaga birra.
Kulturanalys statistihka bokte lea vejolaš čuovvut ovdáneami kultursuorggis, čađahit analysaid ja dutkamiid sihke Kulturanalys dahje eará kulturoassálasti bokte, ja maiddái addit vuođu digaštallamii kulturpolitihkka ja kulturpolitihkalaš doaibmabijuid birra. Mii álmmuhit statistihkka raporta ja tabeallaid hámis min neahttasiiddus.
Árvvoštallamat, analysat ja dilálašvuođaárvvoštallamat
Stáhtalaš reforpmat ja doaibmabijut leat guovddážis go Kulturanalys čađaha analysaid ja árvvoštallamiid. Mii čađahit maiddái dilálašvuođaárvvoštallamiid kulturpolitihkalaš ulbmiliid ektui. Min árvvoštallamiid bokte lea vejolaš fuobmát jus leat stuora spiehkastagat kulturpolitihkalaš ulbmiliin dahje heajus ovdáneapmi dahje dilálašvuohta muhtin joavkkuide servvodagas. Dilálašvuođaárvvoštallamiid bokte mii geahččalit cuiggodit surggiid kulturpolitihkas gos lea dehálaš čađahit politihkalaš doaibmabijuid. Min árvvoštallamiid, analysaid ja dilálašvuođaárvvoštallamiid lea vejolaš lohkat min neahttabáikkis, gos leat almmuhusat.
Kulturanalys Norden
Kulturanalys Norden lea davviriikkalaš kulturpolitihkalaš diehtoguovddáš. Davviriikkalaš Ministtarráđđi lea vuođđudan dan ja diehtoguovddáš gullo 2016 rájis kulturanalys eiseválddi bargui. Kulturanalys Norden lea davviriikkalaš diehtoguovddáš ja dat mielddisbuktá ahte mii joatkevaččat analyseret kulturpolitihkalaš áigumušaid ja čuozahusaid davviriikkain, namalassii Dánmárkkus, Suomas, Islánddas, Norggas ja Ruoŧas ja maiddái iešstivrejeaddji guovlluin Fearasullot, Ruonáeatnamis ja Ålánddas. Mii analyseret kulturjearaldagaid sierra perspektiivvas ja daidda gullevaš statistihkaid. Min almmuhusat mat gusket Kulturanalys Nordenii leat min neahttabáikkis.
Váldde oktavuođa
Váldde oktavuođa dáppe: info@kulturanalys.se