Nordsamiska

Buresboahtin Kulturanalysii!

– eiseváldi kulturpolitihkalaš árvvoštallamiidda ja analysaide

Kulturanalys lea stáhtalaš eiseváldi man bargu lea árvvoštallat, analyseret ja čilget bohtosiid evttohusain ja čađahuvvon doaibmabijuin kulturguovllus. Dat galgá dahkkot vuolggasajiin dain kulturpolitihkalaš ulbmiliin. Kulturanalysas lea maid gohččus doarjut ráđđehusa dieđuiguin ja ávžžuhusaiguin vai ovddida stáhtalaš kulturpolitihka. Kulturanalysa áigumuš lea danin ráhkadit buoret eavttuid doaimmaheddjiide kultursuorggis.

Kulturanalysas leat 12 bargi geat barget guorahallamiiguin ja analysaiguin, hálddahusain ja gulahallamiin. Eanemusat leat disputeren dutkit duogážiin arkeologiijas, fitnodatekonomiijas, stáhtadieđalašvuođas ja statistihkas.

Eiseváldi kulturanalysii lea ovttaráđđeeiseváldi, mii mearkkaša ahte eiseváldehoavddas lea ovddasvástádus doaimmas. Ráđđehus lea nammadan gozihanráđi mii galgá čađahit goziheami doaimmas ja addit rávvagiid eiseváldehovdii.

Maid mii bargat

Kulturanalysa áigumuš lea addit duohta doarjaga kulturpolitihka ovdáneapmái, leat doarjja ráđđehussii ja dáinna láhkái ráhkadit buoret eavttuid doaimmalaččaide kultursuorggis.

Min doaibma mearriduvvo eiseválddi bagadallamis ja regelerenreivves. Dain stivrendokumeanttain dieđihuvvo váldovuordámuš eiseválddis ja maid erenoamáš bargogohččosat. Min analysaplánas boahtá ovdan got mii leat válljen bargat gohččosiin ja got mii plánet doaibmamet.

Dás Kulturanalysa almmuhusat leat. Eanemusat rapporttain leat eaŋgalas čoahkkáigeassu.

Doaibmaguovllut

Statistihkka ja kulturvierut

Kulturanalysas lea ovddasvástádus stuorimus oasis dan almmolaš statistihkas kultuvrras ja astoáiggis. Kulturanalysas lea danin gohččus ovddidit našuvnnalaš čuovvulanstatistihka kulturguovllus, dahkat analysaid ja dutkama vejolažžan sihke kulturanalysas ja iežá doaimmaheddjiin ja addit vuođu digaštallamii kulturpolitihka ja kulturpolitihkalaš doaibmabijuid birra.

Birramáilmmianalysa ja dutkangoziheapmi

Kulturanalys rahčá čuovvut treanddaid ja ovdáneami nášuvnnalaččat ja iežá riikkain ja lagaš politihkkaguovlluin. Dat mearkkaša ahte Kulturanalysa galgá govvidit ja čilgehit dáhpáhusaid ja oppalaš tendeanssaid mat váikkuhit kulturpolitihka, muhto birramáilmmianalysa áigumuš lea erenoamážit ipmirdit ja čilgehit man láhkái dát váikkuhit kulturpolitihka.

Kulturanalysas lea maid dutkangohččus mii mearkkaša čuovvulit dutkama kulturguovllus ja árvvoštallanguovllus sihke našuvnnalaččat ja riikkaidgaskasaččat. Áigumuš lea váldit vuhtii dan kulturpolitihkalaš dutkama , bidjat dan kulturpolitihkalaš oktavuhtii ja maid doaimmalaččat dieđihit dan maŋemus dutkama birra vai lea veahkkin addit dieđuid mat ráhkadit eavttuid ovdánahtton kulturpolitihkkii.

Reforpmaid ja návccaidbidjama árvvoštallan

Kulturanalys čađaha analysaid ja árvvoštallamiid deattuin stáhtalaš reforpmaide ja doaibmabijuide. Kulturanalysa rahčá čalmmustahttit doaimmalašvuođa dálá vuogádagas ja čatnosiid riikkaidgaskasaš vuolggahusaide dego EO:i ja davviriikkalaš ovttasbargguide. Analysat sáhttet maid ovdanbuktot ođđa reforpmaid ja návccaidbidjamiid oktavuođas árvvoštallan dihte vurdojuvvon bohtosiid ja goluid. Árvvoštallamat geahččalit addit vástádusaid jearaldagaide reforpmaid čađaheami ja bohtosiid birra.

Dilálašvuođaárvvoštallamat

Kulturanalys dahká jeavddálaččat viiddes čoahkkáigeasuid, dilálašvuođaárvvoštallamiin ja  dárkkistemiin daid kulturpolitihkalaš ulbmiliid ektui. Dilálašvuođaárvvoštallamat galge leat veahkkin fuobmát jus leat stuorra spiehkastagat daid kulturpolitihkalaš ulbmiliin dehe heajus ovdáneapmi dehe dilli erenoamáš joavkkuide servodagas. Dilálašvuođaárvvoštallamiid bokte mii geahččalit cuoigguhit daid guovlluid kulturpolitihkas gos lea dehálaš doaimmahit politihkalaš doaibmabijuid.